Vhagudiswa vho huvhala kha tshiwo tsha bisi.

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Vhagudiswa vha paḓaho furaru vho gidimiselwa vhuongeloni ha Louis Trichardt Memorial, izwi ndi nga murahu ha musi bisi ya Phadziri ye yavha i khou endedza vhagudiswa avho yo wa kha buroho ḽa kusi kwa Manavhela nga Ḽavhuṋa, ḽa fumi-ṱahe Tshimedzi.

Uya nga muambeli wa mapholisa, Vhosedzheni Tshifhiwa Radzilani, bisi iḽo ḽovha ḽi khou endedza vhagudiswa vha zwisi zwa u mona na vhupo ha Sinthumule na Kutama. Mureili wa bisi vho xelelwa nga ndango ya bisi, ndi he ḽa tiba. Vhunzhi ha vhagudiswa afho ndi vha tshikolo tsha vhana vha ṱhoḓea dza tshipentshele tsha Tshilwavhusiku Razwimisani. Vhanwe vhagudiswa vhe vhavha vho huvhala vho no vhofhololwa vhuongeloni. Vho Radzilani vhari mapholisa vha khou ita dzi tsedzuluso nga ha u reila u si na vhusedzi.

Vha tshi amba na vha nyanḓadza mafhungo ya Limpopo Mirror, munwe wa mubebi wa vhagudiswa we a huvhala vhari ndi kale vha tshi isa mbilaelo dzavho nga ha mabisi ane a reiliwa a songo teaho uvha badani. Vhari tshifhinga tshoṱhe vha tshi isa mbilaelo dzavho, vhovha vha tshi vhudzwa uri ndi khwine vha tshi litsha u shumisa mabisi ayo. “Vha vhulangi ha mabisi aya vho ri fulufhedzisa uri vha ḓo tandulula khaedu idzo, fhedzi ahuna zwe vha ita u ri thusa,” vha amba.

Muambeli wa ḽimaga ḽa Phadziri, Vho Nkhangweni Phadziri, vhari mabisi avho ovha a tshi ṱoliwa ṅwedzi munwe na munwe uri vha vhone arali o fanela u tshimbila badani. Vho ombedzela nga ha vhuṱhogwa ha u sedza uri mabisi o lugela u vha badani vha sa athu u endedza vhanameli. “U tsireledzea ha vhanameli vhashu ndi zwa vhuṱhogwa kha rine. Ri vha endedza u ya fhethu ho fhambanaho hone ri vha touvha miraḓo ya muṱa kha rine,” vha amba.

Vha ha Phadziri vhari vhanameli vha fanela u shumisa nomboro dzo anḓadziwaho kha zwiendedzi musi vha tshi vhona nḓila dza u reila dzi songo teaho na u vhiga zwiwo kha vha komiti ya vhanameli, vhane vha ḓo zwi fhirisela kha vha vhulangi ha khamphani. Vho engedza uri vhane vha wanwa vhe na mulandu wa u reila nga nḓila dzi songo teaho vha ḓo rulwa mushumoni.

Date:31 October 2023

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 280