Vhalaudzi Vha Makumbane vha ṱoḓa u ṅwala ḓivhazwakale yavho kha bugu nthihi

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Khosi  vha Tshisaulu, Thovhele Thivhulawi Makumbane, vho ita khuwelelo kha nnḓu dzoṱhe dza fumi-thihi dza Vhalaudzi Vhagwamasenga uri vha ṅwale ḓivhazwakale dzavho, uri dzi ṅwaliwe kha bugu nthihi ya ḓivhazwakale hu u itela murafho u ḓaho. Izwi vho zwi amba nga ḓuvha ḽa vhuṱambo ha u pembela ḓuvha ḽa vhufa ngei nḓuni ya vhuhosi ya Makumbane.

Khumbelo yavho kha vha Vhalaudzi Vhagwamasenga, yo ḓa nga murahu ha isa ḽiṅwala nga ha mveledziso ya ḓivhazwakale na vhufa ha kusi kwavho nga ḓuvha ḽa uvho vhuṱambo. Ḽiṅwalo iḽo ḽo sedzuluswa na u ṅwalwa nga munwe wa vhadzulapo vha kusi uko, Vho Elelwani Mainganye, vha tshiimiswa tsha Muandiso NPO, tshine tsha lambedzwa nga vha khoro ya vhufa ya lushaka.

Yo anḓadzwa phanḓa ha vhadzulapo, vhamusanda vha zwisi zwa u fhambana, na vhanwe vhane ndi miraḓo ya miṱa ye ha ṅwaliwa ḓivhazwakale yavho. Munwe wa vhathu vhe vha vha vhe hone vhuṱamboni uho ndi Thovhele Nthumeni Masia.

Vhanwe vha miṱa ya lushaka lwa VaTsonga vhe vha vha vha tshi dzula Tshisaulu, fhedzi vha pfuluswa nga vha Group Areas Act, vho ḓi ṅwaliwa kha iḽo ḽinwalo.

Vhathu vho mvumvuswa nga mitshino i fanaho na tshigombela, malende, tshikona na minwe mitshino ya sialala.

Kha tshipitshi tshavho, Vho Masia vho renda na u khoḓa Thovhele Makumbane na vhalanda vhavho nga u anḓadza ḽiṅwalo iḽo ḽa ḓivhazwakale ḽine ḽa vha na nḓivho ine vhanzhi a vha i ḓivhi nga ha kusi kwavho. “Ri pfa ro takala vhukuma nga zwine zwa khou itea, hone ri tama uri na vhanwe vha gude kha Thovhele Makumbane,” vha amba.

Thovhele Makumbane vho livhuwa u shuma nga u ḓi nekedzela ha miraḓo ya khoro ya musanda ha Makumbane kha u bveledza ḽiṅwalo iḽi ḽa ḓivhazwakale.

Date:26 October 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 453