Vhadzulapo vha Vyeboom vho sinyutshela mapholisa.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vhadzulapo vha kusi kwa Vyeboom vho vhona uri mulandu wa bulayo ḽa mufumakadzi vha kusi kwa Vyeboom ngei Vuwani a u khou tandululwa, vha dzhia tsheo uri vha ite misumbedzo yavho ya u ṱahisa u sa fushea nga nḓila ine mapholisa vha khou lenga u tandulula mulandu uyu. Nga Ḽavhuvhili la fumi Tshimedzi, vho ḓou thoma u gwalaba vha tshi livha tshiṱitshini tsha mapholisa tsha Vuwani.

Vho dovha hafhu vha ṱahisa u sa fushea havho kha u sa tandululiwa ha milandu ine vhathu vha ngalangala vha si wanale. Mulanga Tshititshi tsha Vuwani vho nekedzwa ḽiṅwalo ḽa mbilaelo dza vhadzulapo na zwine vha tama zwi tshi itiwa vhuponi uho.

Mufumakadzi wavhane vhathu vha khou vhilaela uri mulandu wavho a u tandululiwi ndi Vho Naledzani Makhado, vhe vha ngalangala nga ḽa fumi Khubvumedzi minwaha mivhili yo fhelaho, vhe nḓilani ya u ya mushumoni wavho kiḽiniki ya Kurhuleni, ire fhasi ha masipala wa Collins Chabane. U bva iḽo ḓuvha ahune muthu we a vha vhona. Ha wanala masalela a muthu, nga tsini hu na zwiambaro na tsumba vhune zwa Vho Makhado nga ḽa fumi-na-thihi Khubvumedzi ṅwaha uno maḓakani a Tshitungulwane.

Vhadzulapo na vhanwe vha muṱa vha na mbilaelo dza uri naho maphlisa vho vhigelwa uri vhahumbulelwa ndi vho nnyi, ahuna zwe vha ita u lingedza u tandululo mulandu uyo. Munwe wa vhadzulapo we a hana u bulwa dzina, uri: “Roṱhe ri humbulela uri vho tou itiwa tshiṱhavhelo, na mapholisa ro vha ṋea madzina a vhahumbulelwa, fhedzi a vhango vha fara. Ri pfa ri tshi vhaisali nga nḓila ine vha khou sedzana na mulandu uyu. Ri ṱoḓa uri mapholisa vha fare vhahumbulelwa uri vha ri vhudze uri vho ita mini nga tshitumbu tsha Vho Makhado.”

Mudzulatshidulo wa  dzangano lavhadzu lapo la siviki ya Vyeboom, Vho Makondelela Murovhi, vhari vho neta nga u lindela. “Ndi kale ho waniwa maselela avho, fhedzi ri na dzi mbudziso dzi sa fhinduliwi uri ho bvelela mini. Ri a vhilaela ngauri a hu athu u vhuiswa mvelelo dza DNA dze ha dzhiiwa Kha masalela uri a ṱolwe. Ri aḓi vhudzisa uri tshilengo tshi khou vhangiwa nga mini,” vha amba.

Vhege yo fhiraho, kusi kwa Vyeboom kwo mbo ima tsere nga u sinyuwa ha vhadzulapo, he vha tshinyadza na ndaka kusini uko na ḓorobo ya tsini ya Vuwani, zwe zwa kombetshedza uri MEC wa vhuendi na tsireledzo vunduni la Limpopo, Vho Florence Radzilani vha ṱangane na vhadzulapo avho. Vhovha vho fhelekedzwa nga Lt Gen Thembi Radebe na mukhomishina wa tshiṱiriki. Muṱangano uyo wo farelwa Vyeboom nga Ḽavhuraru ḽa fumi malo Tshimedzi.

Date:26 October 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 217