Vhadzulapo vha Waterval vha na mbilaelo nga ha luvhanḓe lwavho.

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Vhadzulapo vha Waterval na zwisi zwa tsini na luvhanḓe lwa Waterval vha khou vhilaedzwa nga luvhanḓe ulwo lu sa fheli lu ḓuraho miḽiyoni wa dzi rannda. U fhaṱwa ha luvhanḓe ulu ndi mushumo we wa thoma minwaha ya sumbe yo fhiraho musi hu tshi vusuludzwa mudavhi wa Waterval uri huvhe luvhanḓe lwa maimo, fhedzi a hu sumbedzi hu mushumo une wa ḓo fhela zwino. Vha masipala wa Makhado vha khou pomoka vhe vha vha vho ṋeiwa konṱiraka ya u fhedzisa luṱa lwa vhuvhili. Vha masipala vho vhona hu khwine u thola vhanwe vho rakonṱiraka uri vha ḓe u fhedzisa mushumo.

Uya nga mugaganya gwama wa kale wa nwaha wa 2018/2019, vha masipala wa Makhado vho vhetshela masheleni a miḽiyoni dza fumi-thihi uri hu fhaṱwe luṱa lwa vhuvhili. Ha engedzwa miliyoni dza ṱahe wa dzi rannda kha mugaganya gwama wa 2020/2021. Thandela ya luṱa lwa vhuraru na lwa u fhedzisela yovha yo vhetshelwa miḽiyoni dza fumbili malo khoma iṋa. Vha masipala wa Makhado vho vhetshela masheleni a miḽiyoni mbivhili wa dzi rannda kha mugaganya gwama wa 2023/24 na 2025/26 ya u vhetshela zwidina fhasi.

Vha ḽimaga ḽa DIGES Group, vhe vha vha vho neiwa thendela ya u dzudzanya luhura lwa u paka zwiendedzi, u dzudzanya ha u tambela mutambo wa bola, u fhaṱela hamutamba wa ugidima, u vhora maḓi, na u ḓisa maṱhannga a maḓi a ḽithara dza zwigidi zwa fumi. Uya nga vha masipala, mushumo wo salaho u thithisa zwa mutambo wa ugima na u ṱavha mahatsi.

Vho Douglas Mafanela, mudzulapo wa Waterval, vhari, “Vhunzhi ha mitambo yo imiswa ngari ahuna vhupo ha u tambela. Naho ro lingedza u ambedzana na vha masipala uri vha ri ṋee luvhanḓe, ahuna thuso ye ya swikiswa. Izwi zwi khou ita uri vhaswa vhashu vha humele kha zwikambi na zwidzidzivhadzi, sa izwi hu si na zwine vha nga fhedza tshifhinga tshavho vha tshi ita. Ro balelwa na uvha na vhuṱambo ha u pembela vhufa.”

Vhodokotela Crosby Mulungwa, vhane vha vha mulanguli wa Valcross Trading Enterprise, vho hanedza uri khamphani yavho ye yavha i khou fanela u shuma luṱa lwa vhuraru ndi yone ine ya fanela u vhoniwa mulandu nga u lenga u fhela ha luvhanḓe. Vhari vhone vha vhona mulandu vhe vha vha vho tea vho fhedza luta lwa vhuvhili.

Nga Nyendavhusiku ṅwaha wo fhelaho, muambeli wa Masipala wa Makhado, Vho Louis Bobodi, vhori u lenga ha u fhela u fhaṱwa luvhanḓe ndi ngauri vha DIGES Group vho lenga u fhedza. Zwa zwino vha masipala vha kha nzudzanyo dza u anḓadza tshikhala tsha thendela uri vha thole vhathu vhaswa vha u fhedzisa u fhaṱa.

Date:25 October 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 219