Ho farwa vhathu vha u tswa matombo Dopeni.

Tshiṱori nga: Maanḓa Bele. Ṱhalutshedzo nga: Khathutshelo Raliphaswa.

Vhadzulapo vha vhupo ha Dopeni na zwisi zwa tsini ndi kale vha tshi vhilaedzwa nga u tswiwa ha matombo a mavhiḓa. Vho ḓou rulea dzi mbilu musi hu tshi farwa vhaiiti vhazwo kusini kwa Dopeni khala Nzhelele.

Vhahumbulelwa avho vhe vha vha vha khou tswa na u tshinyadza mavhiḓa a vhuponi uho vhovha vha sa sumbedzi uvha naluvalo, nga nḓila ye vha vha vha tshi tswa matombo ayo. Vhadzulapo vho vha vha tshi anzela u vuswa nga masinḓambilu a uri ho tswiwa matombo kana ho tshinyadzwa mavhiḓa. Vhadzulapo nga u vhona izwi, vho ḓou luka maano a u sedzuluso vhaiti vhazwo, mashudu mavhuya zwo vha vhuyedza. Nga matsheloni a Lavhuraru ḽa fumi malo Tshimedzi, ho ḓo farwa vhahumbulelwa vhavhili, vhane ha pfala uri ndi vhone vhane vha khou humbulelwa kha  zwiito izwo.

Muṅwaleli wa SANCO ya Dopeni, Vho Richard Mukhaninga, vhari vhahumbulelwa vho ṱanziela uri na ngoho vho tswa matombo ayo. “Thaidzo heyi ya u tswiwa ha matombo ndi kale yo thoma. Vha tou lindela vha mbulungo vha tshi fhedza u fhaṱela matombo, vha kona u dodela vha tshi ya u tswa matombo. Zwine vha ita ngao ndi uri vha a vusuludza vha thutha zwo ṅwaliwaho, vha rengisela vhathu vha tshumelo dza zwa dzi mbulungo vha songo ḓi ṅwalisaho lwa mulayo,” vha amba.

Munwe wa vhe vha zwi vhona, vhe vha hana u bulwa dzina, vhari vhahumbulelwa vho vha vho ya kha miṱa yo welwaho nga tshifhinga tsha dzudznyo dzambulungo vha tshi lingedza u vha rengisela matombo nga mitengo ya fhasi.

Mutumbuli wa Lieba Brothers Funeral Group, Vho Shonani Lieba, vho ṱalutshedza uri zwiito izwi zwi vha kwama nga nḓila isi yavhuḓi kha masheleni a bindu lavho. “Ro kombetshedzea u lifha matombo o tswiwaho kha miṱa yokwameaho hu si na mbadelo u bva khavho, zwine zwa touvha u xelelwa nga masheleni vhukuma. Ri pfa mbilu dzashu dzo rulea nga u vhona vhaiiti vhazwo vho wanala, vha farwa. Hone vhahumbulelwa vho waniwa vhe na manwe matombo manzhi o tou tswiwaho,” vha amba.

Muambeli wa mapholisa a Makhado, vhosedzheni Tshifhiwa Radzilani vho khwaṱhisedza tshiwo itsho. “Ho vulwa mulandu wa u tswa, hone vhahumbulelwa avho vhavhili vha do vhudziseswa, munwe wavho ndi ṅwana muṱuku,” vha amba.

Date:23 October 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 322