Tshikolo Tsha Elim High vho wana gundo kha Funda Mzantsi.

Tshiṱori nga: Thembi Siaga. Ṱhalutshedzo nga: Khathutshelo.

Vhagudiswa vhana vha mirole ya vhufumi na vhufumi-na-thihi vha tshikolo tsha nṱha tsha Elim, vho wana gundo hafhu kha muṱaṱisano wa Funda Mzantsi ya ṅwaha wa vhufumi-na-raru we wa farelwa ngei George, vunḓuni ḽa Western Cape mathomoni a ṅwedzi uno.

Muṱaṱisano uyo wa Funda Mzantsi asi muṱaṱisano wa u vhona vhagudiswa vhane vha kona u vhala nga tshifhinga tshiṱuku, fhedzi ndi muṱaṱisano une wa pembela u ḓi nekedzela na dzangalelo ḽa vhavhali kha zwoṱhe zwine vha vhala. Mbekanyamushumo iyi i sedza vhundeme ha kuhumbulele, na nḓila dza u ṱoḓa nḓivho.

Muṱaṱisano wa vhugwena wa nanwaha wo thoma hu na vhafariwa vha bvaho kha senthara dza ndulamiso vha paḓaho maḓana mavhili fuṱahe u mona na shango, vhe vha imedzana na dzi kiḽabu dza dzi bugu dza mivhunduni, vhagudiswa vha magudedzini, na vhagudiswa vha zwikoloni. Vhafariwa avho a vha vhali u tou ḓi mvumvusa fhedzi, vha dovha hafhu vha shela mulenzhe kha uri vhadzulapo vhavhe na nḓivho, na u vha ṱumanya.

Muṱaṱisano uyo wovha wo khethekanyiwa nga zwiteṅwa zwiṋa, hu tshi katelwa u vhala u songo ḓi lugisela, khanedzano, mupeleṱo na u sengulusa bugu.

Vhagudiswa vha tshikolo tsha Elim vhane vha ḓivhelwa u shuma vho ḓi imisela, vho sia vho ita ḓivhazwakale kha muṱaṱisano uyo, vho kona u sumbedza vhukoni havho, nḓivho, na u ḓi imisela nga nḓila i takadzaho.

Phindulo Ndou na Mukumela Tshikhudo vho pfufhiwa tshipuga tsha musuku kha zwiteṅwa zwa khanedzano ya Tshivenda, na u vhala. Xitshembiso Baloyi na Kwetsimani Maluleke vho pfufhiwanga tshiphuga tsha musuku kha zwiteṅwa zwa u vhala Xitsonga na u sengulusa bugu ya Xitsonga. Vho dovha hafhu vha dzhia vhuimo ha u thoma kha Tshivenda na Xitsonga ho vhalwa zwiteṅwa zwoṱhe.

Phindulo, ane avha mugudiswa wa murole wa vhufumi-na-thihi uri vho shuma nga maanḓa u lamulela vhuimo havho ha ṅwaha wo fhiraho. “Ro takala vhukuma ro kona u kunda hafhu, naho huuri ro ṱangana na dzi khaedu na u ḓi lugisela ho sala tshifhinga tshiṱuku,” a amba.

Mulangi wa tshikolo, Vho Julia Mashau, vho renda na u sumbedza u vha muthu o takalaho kha vhagudiswa vhavho. “Ri pfa ri tshi ḓi rwa khana nga vhagudiswa vhashu na zwe vha swikelela, naho rovha ri khou ṱangana na khaedu ya ṱhahelelo ya dzi bugu, ro kona u kunda kha Xitsonga na Tshivenda,” vha amba.

Date:23 October 2023

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 462