Thimu ya Black Leopards yo humela luvhanḓeni lwa Ṱhohoyandou.

Tshiṱori nga: Frank Mavhungu. Ṱhalutshedzo nga: Khathutshelo Raliphaswa.

Khuḓano ye yavha i hone vhukati ha thimu ya Black Leopards FC na masipala wapo wa Thulamela i vhonala i khuḓano yo fhelaho. Vhushaka vhukati ha masipala na thimu iyi ndi ye ya ṱuṱuwedza nga usa pfesesana kha mbadelo dza u shumisa luvhanḓe lwa Ṱhohoyanḓou nga vha thimu ya Black Leopards u tamba mitambo yavho ya hayani.

Nga murahu ha nyambedzano dze dza tshimbila nga nḓila isi yavhuḓi nga ha u fhungudzelwa mbadelo, vha Black Leopards vho ḓou furalela masipala uyo vha thoma u tamba mitambo yavho ya hayani luvhanḓeni lwa Malamulele kha masipala wa Collins Chabane.

Naho zwo ralo, thimu iyi vho ḓou humela u tamba mitambo yavho ya hayani luvhanḓeni lwa Thohoyanḓou musi hu tshi thoma khalaṅwaha ya bola ire kati. Musi vha tshi vhudziswa uri ndi ngani vho humela kha luvhanḓe lwa Ṱhohoyanḓou, mudzulatshidulo vha Black Leopards, Vho Tshifhiwa, vhari ndi ngauri vha masipala vho fhedza vho pfa zwililo zwavho nga ha mbadelo.

Vho Thidiela vhari vha masipala vho tenda u fhungudza mbadelo dza mithelo. Zwa zwino vha shumisa luvhanḓe lwa Ṱhohoyanḓou sa hone ha u tambela mitambo ya hayani ha u thoma, vha dovha hafhu vha shumisa luvhanḓe lwa Malamulele na lwa Peter Mokaba lwa kale sa hune vha tamba mitambo yavho ya hayani dza vhuvhili.

Ḽiḓoḓa Ḓuvha vho tamba mitambo yavho miraru ya u thoma luvhanḓeni lwa Ṱhohoyanḓou khalaṅwaha ino. He vha kundwa nga tshikoro tshithihi kha gumba nga vha Casric Stars vha sa athu u kunda thimu ya Upington City 1-0 na thimu ya JDR Stars nga 2-0. Mutambo wavho wa hayani vha tshi lwedzana na Milford DC u ḓo tambiwa nga Sondaha ya ḽa fumbili-malo.

Muambeli wa masipala wapo wa Thulamela, Vho Nndwamato Tshiila, vho khwaṱhisedza uri thimu idzi dzi khou badela masheleni maṱuku vha tshi vhambedza na masheleni e avha a khou badelwa kale uri vha shumise luvhanḓe.

Vho Tshiila vhari thendelano yo swikelelwa nga murahu ha miṱangano vhukati ha dzi thimu dze dzavha dzi khou ṱaṱisana kha vhugwena ha Motsepe Foundation na vha masipla. Thendelano iyo i do shumiswa u swika nga ḽa furaru Fulwi ṅwaha u ḓaho.

U shumisa luvhanḓe lwa Ṱhohoyanḓou ndi zwine zwa ḓurela zwiimiswa na dzi thimu. Uya nga mithengo yo anḓadzwaho nanwaha, zwi nga ḓurela tshiimiswa masheleni a swikaho R181,886 u shumisa luvhanḓe ḓuvha ḽoṱhe na madekwana aḽo, zwi tshi shumiselwa zwithu zwi fanaho na mabepha. U engedza kha masheleni ayo, hu nga badelwa masheleni a R45,471 a tsireledzo.

Date:23 October 2023

By: Frank Mavhungu

Frank is a Human Resources Manager at the Department of Public Works in Limpopo. He is the longest serving correspondent of the Mirror, having joined us at the end of 1990.  He mainly writes sports reports and resides at Tsianda Village. In 2004, Frank won the National Castle League Award, an award for the best reporter in the SAB league in South Africa.

Read: 194